Serbia do të duhet të pyetet për Kosovën. Presidenti serb, Aleksandar Vuçiç, ka reaguar edhe pas insistimit të disa vendeve të BE-së për përshpejtimin e procesit.<br /><br />Këto komente Vuçiç i ka bërë derisa Kuvendi i Kosovës po zgjidhte qeverinë e re, gjatë një vizitë të tij në zonën e Novi Pazarit, jo shumë larg kufirit në veri. <br /><br />?Është reale të ulemi. Ata duhet të plotësojnë kushtet. Këto nuk janë kushtet tona, por kushte civilizuese që të mos ekzistojnë taksa dhe asnjë limit në qarkullimin e mallrave dhe të njerëzve. Kur ta bëjnë këtë unë jam i gatshëm gjithmonë?.<br /><br />Serbët presin që Kosova të heqë çdo pengesë dhe vendime që pengojnë vazhdimin e negoaciatave. Kryeministrja serbe, Ana Brnabiç, ka thënë se shpreson që institucionet e Kosovës të jenë të përgjegjshme.<br /><br />?Të jenë mjaft të përgjegjshëm mbi të gjitha ndaj qytetarëve të tyre, të mos kenë politikë populiste dhe të mendojnë se çfarë duhet bërë që në ekonomi i tërë rajoni, e në veçanti Kosova dhe Metohia, të qëndrojnë më mirë?.<br /><br />Një porosi të veçantë për institucionet e Kosovës e ka patur shefi i diplomacisë serbe, Ivica Daçiç, duke theksuar se as koronavirusi nuk i ndalon.<br /><br />?Këta në Prishtinë janë gëzuar për pandeminë sepse mendojnë se nuk mund të punojmë për tërheqjet e njohjeve. Mendoj se nuk janë të vetëdijshëm sa e gënjejnë veten?.<br /><br />Serbia do të ketë zgjedhje pas tri javësh dhe pritet që më pas shpejt të formohet qeveria e re dhe kthimi i vëmendjes tek negociatat.<br /><br />Tv Klan<br /><br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
